ESCUCHA RADIO SELE

http://tunein.com/tuner/?StationId=9363&

viernes, 11 de noviembre de 2011

Radio Sele va volver a emitir la so programación pela FM

Radio Sele va volver a emitir la so programación pela FM

Ochobre 31, 2011 por Pablo R. Guardado

Xuan Xosé Mariño, direutor de Radio Sele, confirmó que la emisora ta a la gueta d’un llugar afayadizu pa instalar una antena cola que retomar les emisiones per FM. L’equipu mantién la programación al traviés d’Internet.

Esta decisión tomóse esta fin de selmana nos dos aconceyamientos que vivieron los responsables de Radio Sele: el vienres, coles persones que trabayen na emisora, y el sábado con representantes de les radios comunitaries Radio Kras, Radio QK.racha y Radio Nava. L’ausencia d’un espediente por parte de Telecomunicaciones contra Radio Sele, yá que l’orde de zarru foi de forma oral a Mariño por parte del xefe nuevu n'Asturies, José Antonio Díez Menéndez, lleva a la única emisora de radio dafechu n’asturianu a buscar un sitiu onde instalar una antena que permita llevar la so programación a los sos oyentes peles ondes –l'argumentu pa retirar esta antena yera qu'ésta yera illegal–. “Vamos tratar que sía nel menor tiempu posible, anque nun ye una tarea fácil”, señaló Mariño, que nun descarta tampoco camudar de centru emisor.

No que respeuta al aconceyamientu del sábadu, Radio Sele recibió la solidaridá del restu de radios comunitaries, qu’amosaron el so esmolecimientu pola posibilidá de recibir una carta de Telecomunicaciones que-yos pueda llevar una situación asemeyada a la de la emisora uviedina.

Mal tràngol per a l'asturià als mitjans de comunicació

Mal tràngol per a l'asturià als mitjans de comunicació

viernes, 04 de noviembre de 2011, 12:00:00Ir al artículo completo
Les dues darreres setmanes han dut males notícies per a la llengua asturiana en l'àmbit dels mitjans de comunicació. Com ha estat passant recentment a la veïna Galícia, on diverses capçaleres en paper i digitals han hagut de plegar, la llengua pròpia del territori està patint una regressió mediàtica, en el cas d'Astúries en l'àmbit radiofònic.
La principal víctima d'aquest mal moment ha estat Radio Sele, que al final del passat octubre va ser obligada a suspendre les seves emissions a través de l'FM. Segons va informar la pròpia emissora, la direcció de Comunicacions del ministeri d'Indústria espanyol ha decidit que Radio Sele havia de tancar perquè no estava emetent de forma legal. Segons explica el digital asturià Aruelu, Radio Sele, que emet des de 1986 i era l'única ràdio amb el 100% de la seva programació en asturià, havia rebut una llicència l'any 1998. Més tard, però, l'executiu socialista de Vicente Álvarez Areces va canviar les condicions de la concessió de la llicència amb caràcter retroactiu. Ara, el govern espanyol ha decidit obligar l'emissora a complir amb decisió de l'executiu Areces.
L' emissora ha anunciat que no es dóna per vençuda i que continuarà donant servei als seus oients, aquest cop només a través d'internet.
I pocs dies després que es conegués el tall de les emissions per FM de Radio Sele, Les Noticies informava que la radiotelevisió pública asturiana, RPA, està a punt de deixar d'emetre un dels programes que fins ara es feien en asturià. Es tracta de l'espai esportiu ¡Acuto!, que es veurà per últim cop al final de l'any.
La major part de la programació de la ràdio i la televisió pública d'Astúries s'emet en castellà.

El Gobiernu d’España pieslla la única emisora n’asturianu

Telecomunicaciones diz que nun realizó nengún espediente sobre Radio Sele

Telecomunicaciones diz que nun realizó nengún espediente sobre Radio Sele
DAMIÁN BARREIRO. UVIÉU - 27/10/2011 A LES 13:26:05
José Antonio Díez Menéndez, director de la Xefatura Provincial de Telecomunicaciones, afirmó en declaraciones a LES NOTICIES.COM que dende esta entidá nun fixeron nengún espediente sobre Radio Sele «nin ordemos el cierre de nada». Díez Menéndez señaló que lo único que fixeron foi preguntar al dueñu del inmueble onde taba asitiada l'antena quién yera'l propietariu de la emisora, «esta ye la única actuación que fixo esta Dirección Provincial».

Les declaraciones del reponsable de Telecomunicaciones n'Asturies, organismu dependiente del Ministeriu d'Industria, Turismu y Comerciu, vienen depués de que Radio Sele tuviera que desmontar na tarde del 25 d'ochobre l'antena emisora asitiada nel barriu uviedín. La decisión de los responsables de la cadena vieno depués de que la comunidá onde ta puesta l'antena recibiera una carta de la dirección de la Xefatura Provincial de Comunicaciones informando a los vecinos del edificiu que la radio n'asturianu ta emitiendo con una antena puesta de manera illegal, polo que tuvo que retirase del edificiu o la comunidá tendría que facese cargu d'una multa de 500.000 euros.
Sicasi, Díez Menéndez diz qu'ellos nun saben quién ye'l responsable de Radio Sele y que tienen la obligación de controlar l'usu del espectru radiofónicu y averiguar quien lo ta usando y si tien o autorización pa ello. «Esti ye'l nuestru trabayu, igual que la policia investiga si una actividá ye llegal o non», indica.
Por eso, esplica que dende Telecomunicaciones «fiximos esto y lo que faiga la Inspección Xeneral nun ye dalgo que vaigamos publicar na prensa». Díez Menéndez diz qu'hai unes normes qu'hai que cumplir y que'l que dirime si se cumplen o non ye la Dirección Xeneral de los Servicios, que ta en Madrid. «Nós nun controlamos, namás averiguamos y comprobamos quién ye'l responsable de les emisiones y informamos a la autoridá compotente», anque añade que cómo realicen esti llabor «nun tien muncho sentíu falalo cola prensa».

Telecomunicaciones obliga a Radio Sele a zarrar la so emisión pel FM

Telecomunicaciones obliga a Radio Sele a zarrar la so emisión pel FM

Ochobre 25, 2011 por Pablo R. Guardado

A les 10 hores d’esti martes, Radio Sele cortó la so emisión pel FM por decisión del xefe nuevu de Telecomunicaciones n’Asturies –dependiente del ministeriu–, José Antonio Díez Menéndez. Agora namái va poder sentise per Internet.

La xente que, como toles mañanes, prendió la radio pa sentir la única cadena que dende hai 25 años emite en llingua asturiana llevóse la sorpresa desagradable de nun atopar a Radio Sele nel 106.1 FM. La razón, la decisión de Díez Menéndez de nun dexar emitir más a esta radio comunitaria col añadíu d’involucrar a la comunidá de vecinos onde la emisora tien colocada l’antena. “El domingu vinieron el presidente y secretariu de la comunidá asustaos porque llegó-yos una carta que dicía que teníen una antena illegal y que, de non quitala, podíen llegar a recibir una multa d’hasta 500.000 euros”, rellata Xuan Xosé Mariño, direutor de Radio Sele, que diz nun entender por qué dende la delegación d’Asturies del Ministeriu d’Industria, Turismu y Comerciu “nun se punxeron en contautu de forma direuta con nós cuando tienen los nuesos datos y el responsable anterior llamónos en delles ocasiones, como cuando tuvimos que cambiar del dial pola frecuencia de la RTPA nel 106.5”.

Pa tratar de solucionar esti asuntu, Mariño dirixóse ayeri a la xefatura de Telecomunicaciones d’Asturies, asitiada na cai uviedina de Campumanes, onde Díez Menéndez comunicó-y que debía de zarrar la emisora darréu, ensin la posibilidá de llegar a un alcuerdu. “Gerardo Calzón, l’anterior responsable, que xubilóse hai poco, yera una persona cola que se podía tratar, pero col responsable nuevu nun hubo manera de dialogar”, señaló Mariño. L’argumentu de Díez Menéndez ye que va zarrar toles emisores comunitaries qu’emiten ensin llicencia. Nesi sen, el direutor de Radio Sele recuerda que la cadena algamóla nel 1999, pero que foi retirada pol Gobiernu d’Álvarez-Areces pa dala a Punto Radio, “una cadena que dexó d’emitir dende Asturies el pasáu día 21 y que tola so emisión faila agora dende Madrid”.

“Con esta decisión del ministeriu quedámonos ensin poder sentir na radio una canción fecha n’Asturies o falar asturianu”, llamenta Mariño, que, sicasí, recuerda que les emisiones van siguir per Internet. Esti vienres, les persones que formen parte de la familia de Radio Sele van aconceyase a les 19 hores pa decidir qué midíes tomar y posibles movilizaciones pa denunciar “esti atentáu nuevu a esta emisora n’asturianu”.