Radio Sele 106.5 F.M.
URXENTE
Convocatoria conceyu de la Plataforma d’Apoyu a Radio Sele
CALENDARIU DE MOVILIZACIONES POR RADIO SELE
Collacios y collacies: Dende RADIO SELE queremos facevos llegar los alcuerdos algamaos pola Plataforma d´Apoyu a RADIO SELE en cuantes a movilizaciones previstes pa les próximes feches:
Xueves 22 de Payares (22/11/01), Concentración delantre’l Palaciu del Gobiernu Asturianu, na cai Suárez de la Riva, 10, n’Uviéu, a les 12 la mañana, coincidiendo col Conceyu de Gobiernu Asturianu. Fíxose una representación simbólica d´un estudiu de radio, performances, encartelamientu, recoyida firmes y un comunicáu a la prensa. Axuntámonos doscientes persones durante dos hores.
Llunes 3 d’Avientu (3/12/01), MANIFESTACIÓN a les 20,00 hores con salida de la Renfe hasta la Plaza la Escandalera d’Uviéu.
Miles de persones mos manifestamos n'apoyu a Radio Sele. Una manifestación histórica onde solo hubo dos medios de comunicación Les Noticies y Oviedo Televisión. Por esta razón denunciamos la falta d'oxetividá de los medios, que por razones que to@s imaxinamos traten de tapecer too lo que te rellacionao cola cultura asturiana, nun vaya ser que se cree alarma social. Dende Radio Sele agradecemos a toles persones y entidaes el sofitu que mos dan n'estos momentos difíciles.
SÁBADU - 12 - XINERU (12/01/02), Conciertu Solidariu con RADIO SELE , a partir de les 19:00 a 23:30 hores nel Auditoriu d’Uviéu. C/ Perez de la Sala. Entrada 8 €, venta anticipada nel Teatru Campoamor, Llibrería Paraxuga ( cai/ Independencia 33 ) y hasta la hora el conciertu nel Auditoriu.
Actuarán: XENTIQUINA, N'ARBA, FELPEYU, DIXEBRA, ....y delles actuaciones sorpresa, gaita, tonada, performances ....
NUN VAN SER QUIEN ROBANOS LA PALLABRA
N’Uviéu, 8 Payares de 2001. RADIO SELE - La Llingua Nes Ondes
Plataforma d'Apoyu a Radio Sele
Sindicatos: CCOO, CSI, SUATEA, UXT - Partíos Políticos: Andecha Astur, BIA, IAS, Izquierda Xunida,URAS - Organizaciones Sociales y Plataformes: Belenos, Conseyu de la Mocedá d'Uviéu, Periodistes pol Asturianu, Xinta Xeneral 25 de Mayu, Xunta pola Defensa de la Llingua Asturiana, L'Arcu la Vieya, La Fonte'l Cai, Asociación Cultural Secha, Asociación Xuvenil Sechoriu, La Casa la Llingua.
© Radio Sele 2001
No hay comentarios:
Publicar un comentario